នេះជាការដែលគួរឲ្យហួសចិត្តមួយ ចំពោះសំបុកអាយធីទៅលើការផ្តល់មតិ របស់ Blogger មួយចំនួន។
មតិរបស់ កូនផ្សោត
មតិរបស់ វិចូច
សំបុកអាយធី សូមសួរទៅកាន់ លោកអ្នកដែលបានទស្សនាប្លក់នេះ និងធ្លាប់ជាអ្នកគាំទ្រ អាយស៊ែម៉ាយវើល កន្លងមក ថា៖ តើទង្វើនៃការចែករំលែក របស់អាយស៊ែម៉ាយវើល កាលពីលើកមុន ខុស ឬត្រូវ??? ការចែករំលែកជាលក្ខណៈបង្ហាញ កម្មវិធីល្អៗ ព្រមជាមួយការផ្តល់ជូន នូវឡាយសិនស្រាប់ៗ ដល់លោកអ្នក ជាកំហុសឬយ៉ាងណា??? ប្រាកដណាស់ ចំពោះមតិអន្តរជាតិ ឬស្រុកអាមេរិច ឬប្រទេសរីកចំរើន និងប្រទេសអភិវឌ្ឍមួយចំនួន នេះជាទង្វើខុសច្បាប់ពិតមែន ព្រោះគេខំបង្កើត ចំនាយទាំងកំលាំង និងពេលវេលា។ ចុះចំពោះស្រុកយើងវិញ វាសមរម្យដែរអត់??? សួរថា ១០០%នៃអ្នកប្រើ ប្រព័ន្ធដំណើរការវីនដូ មានប៉ុន្មានភាគរយ ដែលប្រើកម្មវិធីកំចាត់មេរោគឡាយសិនត្រឹមត្រូវ? តាមដឹងប្រហែល តិចជាង១០%ផង! ដូច្នេះហើយ ការចែករំលែកបែបនេះ ជាកំហុសឬ??? តើអាយស៊ែម៉ាយវើល ចំនេញប៉ុន្មានពីការចែករំលែកនោះ??? ១០ដុល្លារ ២០ដុល្លារ ឬ? ក្នុងនាមខ្ញុំ ជាម្ចាស់ប្លុក ខ្ញុំពិតជាអស់សង្ឃឹមចំពោះ មតិរបស់ Blogger ខាងលើនេះណាស់។ សូមបងប្អូនជួយ ផ្តល់មតិមើលថា តើសំបុកអាយធី ដែលជាប្លក់ថ្មី របស់អាយស៊ែម៉ាយវើល គួរបន្តចែករំលែកទៀតដែរឬទេ?
សូមអរគុណ!!!
អ្នក IT នៅស្រុកខ្មែរពេញចិត្តណាស់ ព្រោះ វាគ្មានគូរប្រកួតយូរហើយ ទាល់តែបានភ្លាមវា ចាត់ការភ្លាម ជាពិសេស KillerX ដែរចេញចូល WordPress ជើងមិនជាប់ដី
ហេហេ! បែបចឹងដឹង!
ចែករំលែកទៅ គ្មានអីខុសតេ តែខុសជាមួយម្ចាស់ដើមគេ ទៅវិញទេ! ព្រោះផលិតផលរបស់គេ
អូខេ! ចែកទៀត!
ចែកចាយ ទាល់តែ IT នៅស្រុកខ្មែរលែងហ៊ាន ជោរ
គួរអោយសោកស្ដាយណាស់ដែលមានលោកជាអ្នកអាយធីដែរ តែក៏ល្អដែរ ព្រោះមិនមែនជាសិស្សរួមគ្រូ ហិហិហិ។
បើលោកចេះយកបេះដូងគេមកដាក់ក្នុងបេះដូងខ្លួនឯង ប្រហែលជាមិននិយាយបែបនេះទេ។ ប្រហែលជាមិននាំគ្នាធ្វើខ្លួនអោយបរទេសមើលងាយឡើយ។
ខ្ញុំគិតថាគ្រាន់តែយករបស់គេដែលចែករំលែកហើយ យកមកចែកបន្ត វាហាក់ដូចជាមិនមានប្រយោជន៍អ្វីច្រើននោះទេ យ៉ាងណាម៉ិញគឺវាជួយជម្រុញឲ្យវប្បធម៌លួចគេកាន់តែរីកសាយភាយ ។
ត្រូវហើយ។ បើសហការគ្នាល្អនោះ ប្រហែលជានឹងអាចដណ្តើមឈ្មោះលើឆាកជាតិ រួចឈានដល់អន្តរជាតិទៀតផង
ប្រាកដទេថា វាមិនមានប្រយោជន៍! តើញ៉ុមចំនេញប៉ុន្មានលានរៀលទៅ ដែលគ្រាន់តែបង្ហាញរបស់ដែលមានស្រាប់ ហើយមានបងប្អូនយើងមួយចំនួន មិនដឹងនោះ?
ចែកទៅកុំខ្វល់ អោយតែយើងចែកដោយស្របច្បាប់
បានមានអ្នកចេះចែកច្រើនខ្ញុំអរណាស់ ព្រោះខ្ញុំគ្មានអីនឹងគេ
តែកាលណាខ្ញុំមាន ខ្ញុំចែកដែរ
ហេហេ! ចឹងចែកទាំងអស់គ្នា!
និយាយពីរឿងលួចគេមកប្រើ បើនិយាយពីក្រមសីលធម៌គឺវាខុស មិនចាំបាច់គេប្រាប់ក៏យើងគង់ដឹងខ្លួន ។ និយាយពីច្បាប់វិញគឺរឹតតែខុសទៅទៀត ។ រាល់គ្នាស្អប់ណាស់ចោរលួចចោរឆក់ ដែលលួចរបស់យើង ឬបងប្អូនយើង តែបែរជាស្រលាញ់ និងជម្រុញចោរដែលលួចមកឲ្យយើងទៅវិញ ។ មិនខុសអីពីអ្នកដែលស្អប់អំពើពុករលួយ ដែលដល់កូនខ្លួនចង់តែឲ្យចូលធ្វើការកន្លែងខ្លាញ់ ។
ខ្ញុំយល់មកពីក្រទើបលួចគេ តែលួចគេអាចក្លាយជាអ្នកមានបានទេ? ឲ្យតែនៅបន្តលួចគេ គឺក្រតាំងពីឪរហូតដល់កូន ព្រោះកូនឯណានឹងគិតថាខំរកស៊ីត្រឹមត្រូវដើម្បីមានបាន បើឪលួចគេស្រួលយ៉ាងនេះ ។ តើកូនឯណានឹងគិតខំប្រឹងអភិវឌ្ឍន៍ បើឪគេ ឪឯងលួចគេតាទាំងអស់ ។ តើកូនឯណានឹងខិតខំប្រឹងប្រែងរៀនសូត្រស្រាវជ្រាវ បើឃើញឪម្ង៉ៃលួចតែគេ ។
ខ្ញុំសោកស្ដាយដែលថា អ្នកដែលចំណាយលុយរៀន អាយធី ដល់ទៅ បួនប្រាំឆ្នាំ បែរជានាំគ្នានិយាយថា លួចគេ មកប្រើល្អ ហើយថែមទាំងចែកចាយគ្នាដោយមិនមានការអៀនខ្មាស់ ។ សំខាន់គឺមិនមែនលួចដោយផ្ទាល់ទៅទៀត គឺលួចរបស់ដែលគេលួចហើយ ។
មានអ្នកខ្លះថាខ្លួនពូកែលួច សួរថាលួចបានអីខ្លះ? លួចរបស់ដែលគេលួចហើយហ្នុង? បើពូកែមិនធ្វើឲ្យល្បីដូច GeoHot.Us iPhone និង PS3 hacker ទៅ?
អាយធីចូលមកស្រុកខ្មែរដូចយូរដែរហើយ គិតទៅជាង ១០ហើយ តែបើនិយាយពីសមិទ្ធផលសឹងថាគ្មាន សូម្បីតាពុម្ពអក្សរយូនីកូដ ក៏ស្ថិតនៅក្រោមការជ្រោមជ្រែងរបស់បរទេស ព្រោះម្នាក់ៗគិតថា ខំធ្វើអីហ្អា ម៉ាគង់តែគេឲ្យជំនួយ គង់តែគេជួយហ្នឹង? ទៅភ័យខ្លាចដាច់ពោះធ្វើអី លួចតែគេក៏បានប្រើដែរ ។
វិបសាយខ្មែរមានច្រើនណាស់ បើមិននិយាយពីព័ត៌មានចាប់រំលោភ ឆក់ប្លន់ គ្រោះថ្នាក់ចរាចរ គឺលួចរបស់គេយកមកចែកចាយបន្ត សួរថាធ្វើអញ្ចឹងមានប្រយោជន៍ឬ?
សង្ឃឹមថាមានតែខ្ញុំទេដែលឆ្គួតម្នាក់ឯងនិយាយដូចនេះ…
ខ្ញុំសឹងតែលែងចង់និយាយរឿងនេះ ហើយតែសូមបកស្រាយជូន លោក evannak បន្តិចចុះ! ពាក្យថាលួចពិត ជាអាក្រក់ស្តាប់ណាស់! ហើយថែមទាំងគួរឲ្យ ស្អប់ខ្ពើមទៀតផង! តែនេះ មិនសំដៅលើការលួចទ្រព្យរបស់ អ្នកណា ដើម្បីបំពេញភាពស្តុកស្តមរបស់ខ្លួនខ្ញុំឯណា! នេះគឺការលួចចំនេះវិជ្ជា! តើការលួចចំនេះវិជ្ជាខុសដែរឬ? បើថាខុស ឈប់និយាយទៀតចុះ ញ៉ុមសូមអស់យោបល់ហើយ!
ឧទា. លោកបង្កើតវ៉ិបសាយនិយាយពី សំនួរ ថាតើសំនួរ ដែលលោកយកមកដាក់ជាសំនួរប្រភេទណា? ឬមួយលោកគ្រាន់តែដេកគិតក៏នឹកឃើញ?
ពិតណាស់ មនុស្សត្រូវរៀន ពីមនុស្សគ្នាឯង! ហើយការរៀនទៀតសោធ តែងតែយកវិជ្ជាពីខាងក្រៅមកបំពេញ! ការទាញយកចំនេះវិជ្ជាដែលមាន មករៀនគឺការលួចគេ ឬយ៉ាងណា?
បើនិយាយពីអាយធីស្រុកខ្មែរ ដែលមិនសូវមានសម្ថតភាព នោះគឹបណ្តាលមកពីការស្រាវជ្រាវ នៅមានកំរិត ហើយការស្រាវជ្រាវគឺ ការយករបស់អ្នកដទែមកសិក្សាទើបបំបែកចេញជារបស់ថ្មីមួយបាន! មិនថាចឹង?
បើអាចញ៉ុមចង់សាកល្បងមនុស្ស ១០នាក់ដែលមានការស្រាវជ្រាវ (យករបស់គេមកសិក្សា) និង ១០ នាក់ អ្នកដែលប្រកាន់ភ្ជាប់ ភាពត្រឹមត្រូវ ពោលគឺអង្គុយគិត និងបំបែករូបមន្តចេញដោយខ្លួនឯង ថាតើអ្នកណារីកចំរើន លឿនជាង????
បើនិយាយពី វិបសាយខ្មែរមានច្រើនណាស់ បើមិននិយាយពីព័ត៌មានចាប់រំលោភ ឆក់ប្លន់ គ្រោះថ្នាក់ចរាចរ គឺលួចរបស់គេយកមកចែកចាយបន្ត សួរថាធ្វើអញ្ចឹងមានប្រយោជន៍ឬ?
លោកប្រុងធ្វើជាកង្កែបក្នុងអណ្តូងឬយ៉ាងណា? ស្អីក៏មិនចង់បាន ស្អីក៏មិនចង់ដឹង?
ខ្ញុំពិតជាសោកស្តាយចំពោះការចំនាយពេលវេលាខំស្វែងរករបស់ដែលមិនត្រូវចំនាយប្រាក់ (ដូចជាក្រេកជាដើម) ហើយបែរជាមានការថ្តោតទោសយ៉ាងធ្ងន់ធ្ងរដល់ម្លឹង!!! មិនដឹងថាបមានប៉ុន្មាននាក់ទៀតទេ ដែលគិតដូចនេះ!
សង្ឃឹមថា សំដីមួយឃ្លាចុងក្រោយរបស់លោក ប្រហែលអាចក្លាយជាពាក្យពិតចុះ បើលោកនៅតែបន្តគំនិតបែប មិនរីកចំរើនដូចនេះ!
សូមអធ្យាស្រ័យ!
តាមពិតទៅ អ្វីដែលខ្ញុំនិយាយ មិនមែនមានន័យថា ត្រូវបញ្ចប់ការលួចនោះទេ ព្រោះពិតណាស់ នៅស្រុកយើង កំលុងពេលនេះ ឫពេលមួយណាខាងមុខនោះ ក៏មិនអាចធ្វើបានដែរ។ តែសុំតែថា បើខុសហើយ គួរតែថា “មែន ខ្ញុំលួច ខ្ញុំខុស តែគ្មានជម្រើសទេ”
ចាំបាច់ត្រូវនិយាយដល់ថ្នាក់ហ្នឹងមែនឬ? នេះជួយគេហើយ យកទោសមកដាក់លើខ្លួនឯងទៀត ដូចជាយ៉ាប់ពេកដឹង??? ចឹងបាច់ចែករំលែកទៅល្អជាងហេ???
ធ្វើអី ធ្វើទៀតទៅ។ ខ្ញុំឈប់មាត់ហើយ។ តាមសប្បាយចុះ
ចាប់ផ្តើមយល់ពិស្ថានការណ៍សង្គ្រាមអ្នកIT ហើយ…:)
ហេហេ!
ចម្ងល់គ្មានចំលើយទេ សំនួរទើបមានចម្លើយ។
ហេហេ! នឹងបានថាណា!
ចម្ងល់ទាមទារការបកស្រាយ!
តែសូមបកស្រាយឲ្យយុត្តិធម៌! ហេេហ
ការបែងចែកបែបនេះ អាចថាជាសប្បុរសធម៌មួយ (អាចចាត់ទុកថាមិនខុសនឹងសីលធម៌នៅស្រុកយើង) តែយើងយករបស់គេមកចែកចាយបន្តអ៊ីចឹងច្បាស់ជាខុសហើយគឺខុសនឹងច្បាប់ ព្រោះរបស់គេ គេរក្សាសិទ្ធិ។ ប្រទេសយើងជាប្រទេសក្រីក្រមែន តែក៏ជាប្រទេសមួយក្នុងចំនោមប្រទេសដទៃ ដែលមានកាតព្វកិច្ចត្រូវគោរពច្បាប់រក្សាកម្មសិទ្ធិបញ្ញាដែរ ពិតមែនតែច្បាប់នេះមិនទាន់ត្រូវបានរឹតបន្តឹងក៏ពិតមែន។
បើបន្តទង្វើរបៀបនេះ ថ្ងៃក្រោយគង់គេលុប Blog យើងចោលម្ដងទៀត ជាមិនខាន។ប្ រព័ន្ធ Blog នេះ មិនមែនគ្រប់គ្រងដោយខ្មែរ ៩០ ភាគរយដែលប្រើប្រាស់ Software ដោយគ្មាន License ស្របច្បាប់ ដូចលោកលើកឡើងនោះទេ។ ប្រាកដណាស់ មនុស្សភាគច្រើននៅស្រុកយើងប្រើ Software ខុសច្បាប់ តែនេះមិនអាចជាលេស ជាហេតុផលស្របច្បាប់សំរាប់អោយយើងចែកចាយបន្តនូវ software ខុសច្បាប់ នោះទេ។ យើងកុំភ្លេចថា ប្រធានរបស់ WordPress រស់នៅក្នុងប្រទេសគោរពច្បាប់កម្មសិទ្ធិបញ្ញាតឹងរ៉ឹង។
យើងគួរតែចែកចាយតែរបស់ណា ដែលមិនរក្សាសិទ្ធិ ដែលបើកទូលាយ អោយចែកចាយដោយសេរី។ បើ Software ណា ដែលលោកគិតថាល្អ ហើយរក្សាសិទ្ធិ ខ្ញុំគិតថា លោកគួរតែបង្ហាញពី Software នោះ បានហើយ មិនបាច់ដាក់ link អោយ Download នោះទេ។
អូខេ! អាយអឹគ្រី!
ចែករបស់អន់ខ្ញុំមិនត្រូវការ ព្រោះគេរត់ដល់ណាអស់ហើយ ដែរជាយើងនៅអៀវគ្នានៅឡើយ កាលណាបានឈ្នះគេ
តាំងពីប្រើអ៊ីនធើណេតមក ខ្ញុំចំនេញបាន៧ពាន់២រយម្ភៃប៉ីតុលាគត់ ២០០៤-២០១១ តែយកមកចាយអត់បានទេ គឺចំនេញតាមរយៈកម្មវិធី វិដេអូ និងរូបដែលលក់បាន……. វប្បធម៌ចែករំលែកគឺគ្មានបានកំរៃមកវិញ តែបានអ្នកមានវប្បធម៌ចែករំលែកកាន់តែច្រើន…
ហេហេ! គ្រាន់បើជាងញ៉ុម!
សួមមើលអារម្មណ៍ ខ្លួនឯងមើល ពេលដែលគេបិទប្លក់ Free សោះនឹង តាំងដើរចោទគេចោទឯងពាសវាលពាសកាល។ ចុះទម្រាំ បើគេលួចស្នាដៃសំបុក IT ឯងវិញនោះមិនដឹងជាឡាំប៉ាយ៉ាងណាទេ?
ហេហេ! ឡាបងដូចជាចិត្តចង្អៀតពេកណាស់! សុំសួរបងវិញ ចុះគន្លឺះដែលបបងយកមកបង្ហាញនៅ kooms.info មិនយករបស់គេ មកបកប្រែទេឬ? នុងគេហៅថាអីដែរ?
កន្លែងណាដែលថាខ្ញុំចិត្ដចង្អៀតនោះ? ចំពោះអត្ថបទក្នុងប្លក់ខ្ញុំសរសេរនោះ ភាគច្រើនជាអត្ថបទស្រាវជ្រាវរបស់ខ្ញុំ ហើយខ្ញុំធ្វើវាដោយខ្លួនឯង។ ហើយកន្លែងណាដែលថាខ្ញុំបកប្រែរបស់គេនោះសូមជួយប្រាប់ផង។ ខ្ញុំទទួលស្គាល់ថាប្លក់មានផ្នែកខ្លះខ្ញុំយករបស់គេមកមែន តែខ្ញុំមិនរហូតដល់ ១០០% នោះទេ ហើយជ្រុលយករបស់ដែលគេចែកចាយដោយឥតគិតថ្លៃ ហើយក៏មានដាក់ដំណអោយទៅគេដែរ។ មិនដូចអ្នកខ្លះទេ ខ្លួនខុសហើយមិនទទួលខុសទេ ប្រកែកយកតែឈ្មះមិនគិតពីហេតុផល។
ហេហេ! ឆេះដុំហើយតើ! គិតទៅខ្ញុំខុសធ្ងន់ធ្ងរដល់ម្លឹង គ្រាន់តែចែកគេប្រើសោះខុសដែរ! ហហាហាហ កប់យោបល់!
មានភស្តុតាងទើប ហ៊ានចោទ
សួស្តីបងប្អូនខ្មែរយើងទាំងអស់គ្នា
ខ្ញុំពិតជាសប្បាយចិត្តមែនទែនចំពោះការបញ្ចេញមតិខាងលើ បើទោះបីជា
ការខ្វែងគំនិតគ្នា តែវាជាការខ្វែងគំនិតគ្នារបស់បញ្ញាវ័ន្ត ដូច្នេះគង់នឹងមានការ
អភិវឌ្ឍន៏មិនខានទេ។
សូមអរគុណ…!!
បាទរីករាយដែលបានស្គាល់!
Pingback: ទស្សនៈអាផ្លយ៖ សង្គ្រាមលីនុច និង វីនដូ អុកឡុកពិភពគុន!!! | ប្លុកក្មេងស្រែ
មានបងប្អូនណាស្គាល់បបរប្រូង រឺបបរផិះទេ?
ចំពោះអ្នកស្គាល់នឹងនិយាយថា គ្មានអីផង អាបបរនឹង នឹង…
តែបើចំពោះអ្នកមិនស្គាល់វិញ អូរនេះពិតជាពត៌ថ្មីមានមួយសម្រាប់ពួកគាត់
ចែករំលែកមានន័យទូលំទូលាយ គឹសរុបទាំងអស់មិនថាថ្មីរឺចាស់ ព្រោះសម្រាប់
អ្នកដឹងគឺចាស់ តែវានៅតែថ្មីសម្រាប់អ្នកដែលមិនដឹង….!!!
សូមអរគុណបងប្អូនទាំងអស់គ្នា…!!
អីយ៉ាស់ និយាយមកចំនុចខ្ញុំចង់បានតាហ្មង
មែនហើយ ខ្ញុំចែកអ្វីដែលខ្មែរយើងមួយចំនួនដែលគ្មាន ហើយបានធ្វើការបង្ហាញខ្លះៗពីអ្វីដែលខ្មែរភាគច្រើនមិនបានដឹង !
មិនមែនមនុស្សម្នាក់ៗសុទ្ធតែមានគំនិតដូចគ្នាទាំងស្រុងនោះទេ ពេលនេះគេខ្វែងគំនិតគ្នា តែប្រហែលជាមានពេលណាមួយគេណាត់គ្នាចាប់ដៃគ្នាក៏មិនដឹងផង។ យ៉ាងណាមិញ សូមបញ្ចប់មតិខ្ញុំត្រឹមហ្នឹងចុះ
ហេហេ! រីករាយណាស់ល្បង សំរាប់ការចូលរួមមតិ! តែញ៉ុមលែងចង់វែកញែកហើយ ឆ្មុកឆ្មាញណាស់! ទុកពេលញ៉ែរស្រីបែបល្អជាង!
ធ្វើកូនខ្ទមមួយទៀតទៅ សំរាប់ដាក់តែរបស់លួចបាន
និងចែកចាយគ្នាភ្លក់និងប្រើប្រាស បើគេរករឿងលើក
ក្រោយអោយវាឆេះតែអាកូនខ្ទមហ្នឹងទៅបានហើយ
ទុកផ្ទះធំថ្មីនេះជួបជុំគ្នាផឹកស៊ីរាំលេង តាមយោបល់ខ្ញុំ ។
លើកលែងតែអ្នករកស៊ីធំដុំ ទើបទិញកម្មវិធីប្រើមានច្បាប់
ត្រឹមត្រូវ បើថាសំរាប់អែកជន សំរាប់រៀន គ្មាននរណារក
លុយទិញទាន់ទេ កម្មវិធីចេញថ្មីៗប្តូរជំនាន់រៀងរាល់តែឆ្នាំ ។
គ្រាន់តែថា ចេះលួចចេះលាក់ ចេះចែករំលែកគ្នា កុំចំហ
កណ្ដាលវាលចូលភ្នែកម្ចាស់ដើមគេបានហើយ ។
ហេហេ! គំនិតល្អ!
ការចែករំលែក ចេញពីគំនិត រឺពីបេះដូង? (សំរាប់អ្នកសិក្សារស្រាវជ្រាវ)
នៅស្រុកយើងការចែករំលែកមិនបញ្ចេញអស់ទេ ចង់សួរថា ហេតុអ្វី?
ឧ. គ្រូចេះ១០ក្បាច់ បង្រៀនសិស្ស ៩ក្បាច់ ទុក១ក្បាច់..
សិស្សបង្រៀនបន្ត ៨ក្បាច់ ទុក១ក្បាច់…
សិស្សបង្រៀនបន្តទៀត 7ក្បាច់ ទុក១ក្បាច់…
….
….
….
ចុងបញ្ចប់ទៅជាយ៉ាងណា!
នេះជាទម្លាប់ខ្មែរ!
ត្រូវតែចែកចាយ អោយម៉ាទំហឹង ព្រោះស្រុកក្រ ដូចជាខ្ញុំនេះមិនបានចូលរៀនទេ ទាល់តែគេចែក Free ទើបទទួលបាន
ចែកចាយ បទពិសោធន៍ អោយណាណី (តែកុំខុសច្បាប់)
បើអ្នកណាមិនចង់ចែក នៅអោយស្ងៀម កុំយកជើងរៀទូក ប្រយ័ត្នវៃបាក់ជើង
ហេហេ! កាចម៉េសហ្នឹង! កុំភ័យអីញ៉ុមអាចចែកបាននឹងចែកជូន!
ដូចទើបភ្ញាក់ពីគេង! និយាយមកដូចមានតែខ្មែរទេ ដែលមានប្លក់សរសេរប្រកាសពីfree software ឬ crack នេះ។ សូមបងៗខាងលើដែលមានគំនិតរិះគន់ ឬប្រហារមកកាន់ប្លក់ sombokit ដោយពាក្យធ្ងន់ៗ សូមមេត្តាទៅដើរស្រង់ស្ថិតិក្នុងអ៊ីនធ័រណេតបន្តិចទៅ ថានៅលើពិភពលោកនេះ មានប្រទេសណាខ្លះដែលមានប្លក់ទាក់ទងនឹងcrackនេះ ហើយមានប្លក់ប៉ុន្មាន ជាតិសាសន៍ណាខ្លះ?
គឺមានរាប់ពាន់រាប់លាន រាប់មិនអស់ទេ ហើយម៉េចក៏ធ្វើដូចភ្ញាក់ផ្អើលសម្រាប់ប្លក់ sombokit នេះម្ល៉េះ? ដល់ពេលមកត្រឹមត្រូវ ត្រឹមត្រូវហួសហេតុ។ ហើយខ្ញុំក៏ជឿដែរថា អ្នកខាងលើ សុទ្ធតែកំពុងប្រើកម្មវិធីយ៉ាងហោចណាស់មួយ ដែលលួចcrack ឬពុំស្របច្បាប់។ បើបងគ្រាន់បើ បងទិញយកមកប្រើគ្រប់ផលិតផលទៅ។ ចំពោះបងជាអ្នកមាន ឬមិនមាន ខ្ញុំមិនដឹងទេ តែខ្ញុំនេះក៏ដូចជាសិស្សដទៃទៀតនៅជុំវិញពិភពលោក គ្មានលុយទេ តែពួកខ្ញុំចង់ចេះ និងចង់ប្រើកម្មវិធីទាំងនោះ ដូចនេះ បើមានគេចិត្តល្អ ប្រាប់ពីរបៀបដែលអាចប្រើដោយហ្វ្រ៊ីបាន ខ្ញុំពិតជាសប្បាយចិត្តណាស់ ព្រោះខ្ញុំជាអ្នកក្រតែចង់ចេះ។
បើបងមិនចូលចិត្តរបស់ហ្វ្រ៊ីនេះទេ បងកុំមកអើតលើមនៅទីនេះទៅបានហើយ។ កុំមកបំបាក់ទឹកចិត្តគេ។
ហេហេ!…រំលឹករឿងចាស់ទៀត!។…ហហហេហេ…អរគុណដែលគាំទ្រ!
អ្នកខ្លះលួចរបស់គេដែរ តែគេយកមកប្រើផ្ទាល់ខ្លួនហើយអួតខ្លួនថាត្រឹមត្រូវ ព្រោះថាគេមិនដឹង។ មនុស្សគ្រប់រូបសុទ្ធតែមានកំហុស គ្រាន់តែតិចឬច្រើន។ អ្នកដែលអួតថាខ្លួនល្អ គឺពិតជាបុគ្គលមិនល្អទេ ទាល់តែអ្នកដទៃនិយាយថាល្អ
ទើបក្រអូបបញ្ច្រាស់ខ្យល់។ អស់លោកខិតខំស្រាវជ្រាវទៅ ជួយបង្ហាញខ្មែរដែល
ល្ងង់ខ្លៅឲ្យចេះតៗគ្នាផង។